Da neie FEEL GOOD COFFEE bringd as griabige Tegernsee-Gfui ins Kaffeehaferl

(Tegernsee, Dezember 2021) Es san de Gniaschwammerl, wenn ma an steilen Berge obe hoazd, des stoize Gfui, wenn ma auf am Gipfe om in de Berg steht, es is da gmiadliche Namedog am himmeblauen, manchmoi a greana See, mit frischa Luft in da Lunga, mit da Sonna im Gsicht und am Schiffal vorm boarischen Bergpanorama – des echte Tegernsee-Gfui. A Gfui, des as boarische Start-up-Unternehmen FEEL GOOD COFFEE vom Tegernsee aus indn Rest Deitschlands bringt. Des Ganze machans mit eanam richtig guadn Schmankerl-Kaffee für de ogseingne Nespresso-Maschin, in na Form, des so zum ersten Moi gibt, nämlich in gloane Biokapsln, de ma danoch glei aufn Komposdhaufa schmeißn kon. „Mia woidn an Kaffee macha, der des Lemsgfui von do aus da Gegend weidagibt – gschmeidig, aber auf a ganz eigne Art“, vazeid da Marcus Berthold, gschäftsleitnder Gseischafter von FEEL GOOD COFFEE. „Und des hom mia und unsa Rösterei do in Bayern a so gschafft! In da Biokapsl steckan 6,2 Gramm Kaffee voi mid Aroma von de bestn Plantagen in Indien, Indonesien, Brasilien und a Guatemala – de ideale Röstung, in am guad obgstimmtn Gmisch.“

Mario von da Ersdn Tegernseer Kaffeerösterei is mid der Röstung grod erst vom Crema-Magazin ois besda Röster aus dem Jahr gnennt worn. Marcus Berthold: „Zammad mim Mario hom mia des Gmisch aus dem Kaffee und unsere Kapsln ins Lem gruafa. Mia san da Meinung, des Tegernsee-Gfui kon mim Kaffee aus da Siebträgermaschin midhoidn."

Reine Kaffeefreid für d Goschn – da „Feel Tegernsee“-Gschmack
De Kapsln steckan voi mid echtm Tegernsee-Gfui: Der siaße Gschmack vom Eis, des beim Spazierngeh umdn See gschleckt werd, werd in gschmackvoie Schokolad umgwandlt. Da Antrieb für a gwagte Bergwanderung aufn Wallberg aufe findt ma wieder in de Walnussn, de in Gschmack mit nei spuin. Und wos des Ganze so bsonders macht? Des edle Toffee. Des ois kimmd zammad in na mittlern Röstung aus 60 % Arabica- und 40 % Robustabohnen und bringt so den Kaffeegschmack der mild, aber desweng immer no voi mid Aroma is. In da Fria einfach de Feel Tegernsee-Kapsel in de Nespresso-Maschinegem, de Crema ohimmen, de gmustert und braun wia de Haslnussn is, d Augn schliaßn und für a kurze Zeit nur den eigena Kaffee und des Tegernsee-Gfui geniaßen. Des Gehemnis von dem Genuss: A FEEL GOOD COFFEE Biokapsl enthoid 6,2 Gramm Kaffee – ois deitlich mehra ois bei de gwohntn Kaffeekapsln, in dene grod amoi um de 5,4 Gramm Kaffee steckan.

Kasplkaffee mit guadm „FEEL GOOD“ Gwissn geniaßn
Unser Natur is des Ollerwichtigste. Ohne de warad da Tegernsee ned so schee, wiara is, und ohne de gabads a koan Kaffee – so oafach is des. Deswegn werd der gschmackige FEEL GOOD COFFEE nur in na 100 % industriell komposdierbarn Biokapsl obgfüllt, de a ganz sicher frei von Aluminium is und hauptsächlich aus Rohstoffe besteht, de a wieder nochwachsn. De Kapsln san lang hoidbar, weils mid am Papierdeckl luftdicht verschlossn wern, und ma kons nachm Kaffeedringa a glei indn Restmüll oder in Geibn Sog neidoa. Berthold: „Nach um de 180 Dog is de Kapsl komposdierd. Leida san unsare Biosysteme fürd Entsorgung no ned auf de neie Technik ausglegt. Mia hoffan aber, dass in de Richtung no mehra garbeit werd, sodass jede Kapsl komposdierd wern kon. Mid unsera Kapsl bleibt de Energie aber im Kreislauf und mia nehman kaum neie Ressourcen ausm System – sonst warad de a ned vom ClimatePartner ois CO2/klimaneutral auszeichnet worn.“

Feel-Line: guade Mischunga in da Planung
Lusd auf a Weidroas? Des Start-up hod neba eanam Feel Tegernsee-Kaffee scho andere guade Mischunga in da Planung. Mim zum Beispui Feel New York, Feel Scotland oda Feel London Kaffee findn des Gfui von Freiheid aufm Empire State Building, de frische Lufd in de schottischn Highlands oder a da königliche Glanz von da Queen eanan Weg ins eigene Kaffeehaferl.
 
De FEEL GOOD Tegernsee-Kapsln san im 33-Kapsl-Pakerl in da nachhaltigen FEEL GOOD Papiertütn unter www.feelgood-coffee.de für 22,77 € (UVP) zum hom. 
 
No mehra Infos gibt’s auf de Social-Media-Kanäle vom Unternehmen.

Social Media Feel Good Coffee

Über FEEL GOOD COFFEE::

Gründet worn is des Ganze 2018 vom Marcus Berthold, Ron Brünner und Carsten Leber und ghead ois Start-up-Unternehmen zu de absolutn Vorreiter an qualitativ hochwertige Biokaffeekapsln. Des Bsondere: De Wunderkapsln gibts in verschiedene Gschmacksrichtungen und san industriell komposdierbar, aluminiumfrei und aus nachwachsende Rohstoffe, sodass de Lifestyle, Convenience und an Umweltschutz vereinen. De Mission von dem Start-up: Kaffee dringa mit guadm Gfui und gleichzeitig de höchstn Ansprüch andn Kaffeegenuss grecht wern. Des Unternehmen bietet so a echte und nachhaltige Alternative zu de bisherigen Kaffeekapsln, setzt a deitlichs Zeichen gega den Aluminiummüll, der immer mehra wird, und stehd für puren Kaffeegenuss in na Spitzenqualität. Des macht FEEL GOOD COFFEE zum Gschmacksführer.

Bildmaterial

Ansprechpartner